Cine su Kennedy: al è il moment di une “prime”

La rassegne “Al spieli de ere Kennedy” fate de Cineteche dal Friûl li dal Cine “Sociale” di Glemone, in paralêl ae mostre omonime tal Cjistiel di Glemone, e môf la sô atenzion su Robert Kennedy, il fradi di John che nol rivarà ae presidence, copât intun atentât intal 1968. Miercus ai 29 aes 8.30 sot sere al vignarà proponût tal “Sociale”, introdot dal curadôr de mostre e de rassegne Sergio M. Grmek Germani, un râr cine talian pe television, prodot pôc dopo il sassinament e programât intal 1970, “Bob Kennedy contro Jimmy Hoffa” di Alberto Negrin, scrit di Flavio Nicolini e cuntun zovin Giancarlo Giannini. Une trasmission televisive mai plui replicade: la proiezion tal cine di Glemone, par concession des Techis Rai, al è un avigniment, une “prime” assolude sul grant schermi. (A.I.) – 28.05.2024