109
Edi Snaidero al è stât nomenât gnûf president dal Cluster Legno Arredo Casa FVG. L’imprenditôr al cjape il puest di Matteo Tonon, che al varà la deleghe dal Made in Italy.
E je stade ancje confermade la fiducie al diretôr Carlo Piemonte, ae vuide dal organisim fin de sô fondazion. Edi Snaidero al è president de famose dite di Maian e al è tra i plui innomenâts imprenditôrs a nivel regjonâl.
Za president di Friulia, Snaidero al è ancje president de Federazione europea produttori mobili e conseîr delegât dal grup Cucine di Federlegno arredo. (a.d.g.) – 28.05.2024
