Teatri dai e pai fruts a Monfalcon

Ancje chest an, daûr de tradizion, il Teatri comunâl di Monfalcon al vierç lis puartis par dâ acet al “MAT+S!”, il progjet storic Musiche Art Teatri + Sience curât de atore Luisa Vermiglio e inmaneât dal Ent Regjonâl Teatrâl dal Friûl-Vignesie Julie cu la poie e la colaborazion de aministrazion comunâl e dal Istitût comprensîf “Ezio Giacich”. Joibe ai 30, aes 5.30 dopomisdì, 129 frutis e fruts de scuele primarie “Duca d’Aosta” a laran sù sul palc pal spetacul corâl “Dico, parlo, racconto” (O dîs, o feveli, o conti). La edizion 2023/2024 e je la seconde tape di un percors trienâl dedicât aes neurosiencis e al è stât inricjît de partecipazion creative di doi afermâts artiscj monfalconês: l’atôr Stefano Paradisi e l’ilustradôr Massimo Racozzi. (A.I.) – 29.05.2024