La zornade dai cjalçuts ‘scompagnâts’

Spietant la otave edizion di “BagnAria di Libri”, che si tignarà in Lui, a Bagnarie si siere vinars ai 31 “Il Mai dai libris”.  Un laboratori compagnât di leturis animadis, risiervât a chei plui piçui, al sierarà la rassegne aes 4.30 dopomisdì inte Sale consiliâr dal comun cu la presentazion dal librut “Una giornata straordinaria per i calzini spaiati” (Une zornade straordenarie pai cjalçuts scompagnâts), jessût par Mondadori, scrit di Sabrina Flapp, Giulia Zoratto, Edy Lovisetto, Clara Zaghis e Silvia Blazina: lis fondadoris de “Zornade dai cjalçuts scompagnâts”. (A.I.) – 30.05.2024