Il cûr dal bosc, dentri dai sunôrs e dai cidinôrs de nature, al devente un palc, cul peç ros doprât par produsi struments a cuarde che al devente un sipari. Dal prin ai 30 di Jugn in Val Saisare, tal bosc di Tarvis, e torne “Risonanze”: une rassegne di musiche, art, incuintris, escursions par vivi dute la bielece des Alps cun ativitâts al viert, concierts, storiis, incuintris cun artiscj… Il festival plui ‘vert’ de regjon, par cure dal diretôr artistic Alberto Busettini, al tache cuntune mostre che e conte il bosc e la nature tal Palaç Veneziano a Malborghet. Simpri ai 2 di Jugn, FVG Orchestra in conciert, po dopo e rive in “residence” la European Union Baroque Orchestra, zovins musiciscj di dîs Paîs de Europe che a àn sielt la valade par fâ lis provis. (A.I.) – 31.05.2024
Foto di K. Sokolowski
