“Il cûr”, la gnove mostre di Dieç

Une mostre spetacolâr e impressionante, un viaç inte art tra contis di sfidis e di virtût, palês o scuindudis. “Il coraggio” (Il cûr), la gnove mostre che a Dieç a son daûr a preparâ e che si podarà visitâ dai 18 di Jugn e fint ai 3 di Novembar dal 2024, e cjape ment e cûr e e maravee pe concentrazion straordenarie di art e di câs di studi. Vie pe scree e sarà ancje lete la letare personâl che Pape Francesco al à scrit al curadôr de mostre, pre Alessio Geretti, par esprimi il so judizi di grant preseament pal “miracul de Providence e de bielece” che a son lis mostris di Dieç. Chê di chest an e je une vie speciâl de bielece. Cuarante oparis mestris – undis che a vegnin di colezions che il public par solit nol pues viodi –, selezionadis pe lôr cualitât cetant alte, che a segnin un percors, tra pituris e sculturis, di 2.500 agns, che al tache de Grecie antighe e al rive ae metât dal Nûfcent, cun oparis dal Perugino, di Caravaggio, Bernini, Il Guercino, ma ancje di Kandinskij e Pomodoro. (A.I.) – 03.06.2024