76
La stagjon artistiche dal Teatri comunâl “Giuseppe Verdi” di Gurize si è sierade cun numars che a premiin il cartelon preparât dal diretôr artistic, Walter Mramor. Lis presincis totâls ai 28 spetacui, cjapant dentri il conciert fûr abonament dai Berliner Philarmoniker, contant ancje lis vot replichis de visite teatralizade “Viaggio nella scatola magica” (Viaç inte scjate magjiche), a son rivâts ae cuote di 14.469 spetatôrs, il 7,5 par cent in plui de stagjon passade. La prose e je stade ancjemò une volte il segment plui grât, adun cul musical. Simpri plui gruesse la presince di students. In cressite ancje i abonaments – in dut 957 – e ben 13 spetacui a àn fat in pratiche il dut plen. (A.I.) – 04.06.2024
