Acuardi tra Anci Fvg e Legacoop Fvg par promovi lis Comunitâts energjetichis rinovabilis

Anci e Legacoop Fvg a firmin un protocol di intese par promovi lis Comunitâts energjetichis rinovabilis (Cer). Si trate dal tierç câs in Italie daspò Lazi e Umbrie. Il document al à come obietîf chel di promovi azions di slargjament dal model cooperatîf e di condivision de energjie rinovabile, come lis Cer.

Il protocol al sarà firmât doman, ai 5 di Jugn aes cuatri dopomisdì inte sede de Anci dal Fvg in place XX Settembre a Udin. A firmâ a saran il president de Anci Fvg Dorino Favot e il president de Legacoop Fvg Michela Vogric. (a.d.g.) – 04.06.2024