Lis storiis dal Tiliment ator pal Friûl

Intal mês di Mai dal 2023 une schirie di ativitâts sul glereâl dal flum Tiliment a Pontaibe di Pinçan e intal Cjistiel di Ruvigne e à dât il vie al progjet “Approdi”, dedicât “al Tiliment e ai siei passaçs” curât dal Molino Rosenkranz. Compagn dal flum, il progjet al va indevant su la sô strade e, daspò de realizazion di un audiolibri cul stes non e la sô difusion intes bibliotechis e intai museus dal teritori, la conte e je deventade une leture seniche par contâ lis storiis di passaçs sul Tiliment vie pai secui. Il tour estîf, une conte a plui vôs di ints e civiltât ator di un flum,  par cure di Roberto Pagura e Anna Valerio, cun musichis di Stefano Andreutti e ilustrazions di Stefano Jus, al rive joibe ai 6 a Vilegnove di S. Denêl aes 8.15 sot sere, dongje de gleseute di Sant Jacum. (A.I.) – 05.06.2024