A son intal “Spirt di Pâs” i doi concierts nassûts de colaborazion fra la associazion Domus Musicae di Mortean, il Centri “Balducci” di Çuian e la rassegne “Estensioni”, circul difondût di jazz de Slou, societât cooperative. Joibe ai 6 inte Glesie de Trinitât di Mortean (ancje cul jutori de Pro Loco) e lunis ai 10 inte Sale Petris dal Centri Balducci si podarà scoltâ in prime assolude il progjet discografic “Spirit of Peace” dal Domus Musicae Quartet, cun cuviertine dal disc fate di Giorgio Celiberti. La formazion e viôt Giovanni di Lena, Andrea Valent, Giuseppe Tirelli e Nicola Tirelli, cun ospits straordenaris il cjantant Boris Savoldelli e Francesco Tirelli. Aes dôs seradis a partecipin ancje Vito Di Piazza, pre Paolo Iannacone, il scritôr Fabio Turchini e l’armonicist Sebastiano Zorza. (A.I.) – 05.06.2024
Foto di L. d’Agostino
