Liceu “Copernico” in fieste cun teatri, circ e musiche

Dilunc di dut l’an scolastic, dopo lis lezions, i fantats e lis fantatis dal Liceu sientific “Copernico” di Udin a pandin lis lôr passions in diviers laboratoris. Une ativitât formative che e cjate, par tradizion, la sô spice inte “Serade Copernicane”. Proprit lis “cercis” dai lavôrs fats intai laboratoris a saran protagonistis joibe ai 6 tal Auditorium “Zanon”. A lâ sù sul palc i partecipants dal New Faboulous Circus Copernico vuidâts dal president dal Circo all’Incirca, Davide Perissutti, i Copernidrama, che a àn partecipât ae ultime edizion dal Pali teatrâl Studentesc di Udin vuidâts di Fabiano Fantino, e la Jazz Band Orchestra direte dal saxofonist Nevio Zaninotto. Spazi ancje al “Intrepido”, il mensîl publicât sedi su cjarte che in rêt,   e al Copcast, il podcast dal liceu, che si cjate in dutis lis plateformis streaming. (A.I.) – 05.06.2024