Il misteri di Bottecchia intun cine

Tal Auditorium “alla Fratta” di S. Denêl, vinars ai 7 aes 9 sot sere e je in program la proiezion dal docufilm “Ottavio Bottecchia el furlan de fero”. Scrit e diret dal gjornalist Franco Bortuzzo, montât di Lucs Zanoli e cu la vôs di Francesco Pancani, il cine al conte la vicende sportive e umane dal grant ciclist venit furlan doprant lis testemoneancis di une trentine di storics, gjornaliscj, scritôrs, cicliscj, atôrs e ancje parincj dal stes Bottecchia. Ancje il nevôt Ottavio Bernardi che, pe prime volte, al fevele in public di so nono. Il cine al è inricjît di une desene di minûts di imagjins origjinâls dai Tour de France gjavadis fûr dai archivis francês de Gaumont Pathé. Tal ultin, e ven analizade la fin misteriose dal ciclist, sucedude intun incident intal 1927, a nancje 33 agns di etât. (A.I.) – 06.06.2024