Il diretôr de fotografie Davide Leone al è il vincidôr dal “Cuarç di Spilimberc-Light Award”, il premi che il festival “Lis zornadis de lûs” inmaneât di Gloria D’Antoni e diret intune cun Donato Guerra al assegne di dîs agns ae miôr fotografie di un cine talian de ultime stagjon. La jurie vuidade di Monica Guerritore e à sielt Leon pal cine “E’ ancora domani” di Paola Cortellesi, dulà che al à doprât il blanc e neri e un formât particolâr, chel cuadrât, in omaç ai cines dal neorealisim. A Lorenzo Casadio Vannucci invezit al à lât il “Cuarç ae Opare Prime” par “Gli oceani sono i veri continenti” (I oceans a son i vêrs continents) di Tommaso Santambrogio. (A.I.) – 10.06.2024
Spilimberc: assegnâts ducj i premis
59