Alessandro Ciriani di Fratelli d’Italia e Anna Maria Cisint de Lega a son scuasit dal sigûr i doi politics de nestre regjon elets intal Parlament di Strasburc. Ducj i doi a àn cjapât passe 40 mil vôts (plui di 43 mil Ciriani e plui di 42 mil Cisint), tant che soredut Ciriani al à dit che no si spietave un risultât tant impuartant e dutis lis preferencis cjapadis “a son une grande responsabilitât par me e il segnâl clâr che al tocjarà lavorâ une vore par mostrâ ai citadins che o fasìn sul seri”.
“O vuei dî gracie cul cûr ai passe 42 mil eletôrs che, scrivint il gno non, a àn permetût la mê elezion intal Parlament european. Al è un risultât – e à dit Cisint – une vore bon che mi jemple di emozion, di braùre e di responsabilitât”. (a.d.g.) – 10.06.2024
