Al Premi Hemingway, anteprime dal gnûf libri di Andreoli

Il psichiatri e studiôs dal cerviel Vittorino Andreoli al è un dai ospits dal Premi Hemingway 2024, ae fin dal mês di Jugn a Lignan. Vincidôr inte categorie “la aventure dal pinsîr”, al presentarà li dal Cinecity in anteprime ai 29 di Jugn il so gnûf saç “Lettera sull’amore”, in jessude par Solferino il dì dopo. Andreoli al è stât il testemoni di un moment di malstâ difondût intal mont contemporani, e al à insegnât che l’unic “jo” pussibil al è chel fragjil, che al sa cuâi che a son i propris limits. Il premi i è stât dât propri “par vê acompagnât i letôrs cui siei libris e i siei intervents, in mût critic, lustri e profont, traviers i problemis plui urgjents dal mont contemporani”. (A.I.) – 11.06.2024