50
Une operazion de Polizie di Stât e à permetût di blocâ 7 oms e di secuestrâ 290 grams di cocaine intal centri di Monfalcon.
La investigazion e je tacade tal Istât dal 2023 cuant che i suspiets a son lâts suntun locâl public viert di pôc e gjestît di int che e rivave de Republiche Dominicane, une vore frecuentât di int cun origjin de Americhe dal Sud, che a vendevin e a consumavin droghe sul puest.
Ae fin des investigazions coordenadis de Procure de Republiche di Gurize, il judiç pes indagjins preliminârs al à mandât fûr ordins di custodie cautelâr par cuatri citadins dominicans cuntune etât tra i 33 a 53 agns che a vivin a Udin, Romans dal Lusinç e S. Pieri dal Teritori e in plui un oblic di dimore par un altri om. (a.d.g.) – 11.06.2024
