Incident grâf sul lavôr inte cjartere di Davâr

Un om di 59 agns al à patît vuê di matine la fracade de man drete intant che al stave lavorant par movi un machinari, dentri de cjartere di Davâr. Resident intal paîs cjargnel, l’om al è stât daurman judât dal personâl dal 118 e puartât in svol cul elicotar intal ospedâl di Pordenon. Nol sarès in pericul di vite. Su lis causis a stan fasint lis investigazions i carabinîrs. (a.d.g.) – 12.06.2024