Un poete, il cjan e… la Badie

Un dialic e une trame di pinsîrs fra il poete, il so cjan e il paisaç, in lûcs e in stagjons diviersis, a saran i protagoniscj de rassegne “I colloqui dell’Abbazia”, ven a stâi “Il viaç de cjarte gjeografiche di Livio Felluga”. Vinars ai 14 aes 6 dopomisdì, intal claustri de Badie di Rosacis, Stefano Dal Bianco, che al à a pene vinçût il Premi ”Lerici” e al è candidât al “Strega”, al presentarà in anteprime regjonâl la sô ultime opare “Paradiso” (jessude par Garzanti) cu lis curadoris de manifestazion Elda Felluga e Margherita Reguitti, e il scritôr Alberto Garlini. (A.I.) – 13.06.2024

Foto di L. Vitale