Al Visionario, l’Istât si passe in zardin

Li dal cine di vie Asquini a Udin e torne a tacâ la stagjon dal “Visionario Garden”: concierts e aperitîfs, lezions di bal e marcjâts dal barat, cenis cence straçarie e i Europeans di balon mandâts in direte sul schermi cinematografic, dongje di spazis di riflession. Un lunc viaç estîf tal planet de sostignibilitât, par frontâ lis sfidis cuotidianis dal nestri timp, pensât par grancj, piçui e fameis. A screâ la stagjon in zardin, lunis ai 17 aes 8 sot sere, al sarà un dai protagoniscj de sene rap furlane, Doro Gjat, acompagnât de sô band. (A.I.) – 15.06.2024

Foto di D. Paderni