Fûc sul cuviert di un capanon a Mortean

Al è ancjemò di sclarî il nivel dai dams al capanon de SerraMetal di Mortean, fiscât vuê di buinore di un fûc. Secont une prime investigazion dai pompîrs rivâts cun trê scuadris par distudâ lis flamis, il fûc al podarès jessi tacât dal implant fotovoltaic che si cjate sul cuviert.

In pôcs minûts i Vigji dal fûc a àn rivât a distudâ il fûc lant daspò indenant cu lis operazions di bonifiche. La struture e je però stade ruvinade, soredut li dal cuviert. (a.d.g.) – 13.06.2024