Il conciert ‘dai campanei’ al è stât un sucès

Domenie ai 16 si è fate dilunc de ciclovie Alpe Adria (ex ferovie Pontebane) une pedalade cun conciert par campanei di biciclete acuardâts, fat di une cincuantine di personis. La iniziative, ideade de associazion Continuo – Spaziorsetti di Udin, e à permetût di screâ il progjet “Topofonie”, finanziât de Regjon e de Union Europeane, creât dai artiscj Antonio Della Marina e Alessandra Zucchi. Il progjet al previôt la creazion di une mape sonore di lûcs dal Friûl-Vignesie Julie e des regjons dongje. I cicliscj a son partîts di Tarvis e si son direts viers Scluse, ognidun cuntun campanel par biciclete acuardât cuntune note divierse. Dilunc dal passaç intai tunei de ciclovie, i cicliscj, sot de direzion di Della Marina, a àn sunât i propris campanei, creant efiets speciâi di riflès dentri dai tunei. (A.I.) – 17.06.2024