L’archivi dal pitôr Poz ae Universitât dal Friûl

L’archivi dal pitôr furlan Arrigo Poz (Porpêt, 1929 – Risan, 2015) al è stât donât al Dipartiment di Studis umanistics e dal patrimoni culturâl de Universitât dal Friûl. L’archivi al à progjets, dissens, letaris e documents di passe cincuante agns di ativitât. Daûr de volontât des fiis Alessandra, Annamaria e Donatella, l’archivi di Poz – cognossût in particolâr pe sô produzion inte suaze de art sacre – al sarà a disposizion par ativitâts di ricercje e di didatiche. Al sarà ancje pussibil la consultazion dai materiâi su prenotazion. L’archivi al è stât dât al Laboratori informatic pe documentazion storic artistiche par jessi valorizât ancje intes ativitâts di tirocini. (A.I.) – 18.06.2024