Un teatri fat di storiis veris

Intal trentenâl de fondazion, la associazion culturâl udinese Espressione Est e inmanee une rassegne teatrâl ogni vinars, dai 21 di Jugn ai 19 di Lui, tal Spazio Venezia di Udin. La rassegne, che e larà indevant cun oparis cinematografichis e multimediâls, si intitule “WARS” (acronim di Where Are Real Stories, ‘dulà sono lis veris storiis’). Ven a stâi, lûcs, vicendis e arts par cognossi la storie dal Nûfcent che e à par teme la Prime e la Seconde Vuere Mondiâl e la Vuere Frede. Il progjet al scomence cul spetacul dal Gruppo Teatro Sagrado dal titul “Se questo è un uomo”, ispirât ae vicende dal scritôr Primo Levi, tornât vîf di Auschwitz. (A.I.) – 20.06.2024