Trê zornadis di concierts pe Corâl de Universitât

Trê concierts di musiche corâl e strumentâl. Cussì la corâl de Universitât “Gilberto Pressacco”, direte di Fabio Alessi, e partecipe ae “Fieste de musiche”, l’avigniment internazionâl che al celebre il principi dal Istât e che chest an al à par sproc “La prime orchestre o sin nô”. Si tache vinars ai 21 inte Biblioteche Uniud dai Riçs cul prin conciert vocâl e strumentâl. Protagoniscj a saran un duet di ghitare e vôs, un tercet di arcs cun orghin e un duet vocâl. Sabide ai 22 l’apontament al è in Cort Morpurgo e il conciert al viodarà esibîsi la Corâl “1506” de Universitât di Urbino direte di Augusta Sammarini intune cul “Pressacco”. Domenie ai 23 di Jugn, tierç e ultin conciert, inte Plêf di Sante Margarite dal Gruagn, ancjemò cu lis corâls dai ateneus di Udin e di Urbino, plui la corâl “Panarie” di Dartigne, direte di Paolo Paroni. (A.I.) – 20.06.2024