Fieste de musiche ancje par “Percoto Canta”

Intant che e jentre intal vîf la trentesime setime edizion di “Percoto Canta”, cu lis semifinâls che si tignaran a Aquilee ai 20 di Lui, la associazion che e da il non al concors musicâl no mancje l’apontament cu la Fieste internazionâl de Musiche. Pal apontament che, ogni an ai 21 di Jugn, al celebre lis notis, vinars intal parc di Vile Frattina-Caiselli a Percût si rinove il conciert che al viodarà la esibizion di artiscj compagnâts de PercotoCanta Band. Ai 5 di Lui tal auditorium “Biagio Marin” di Grau al larà invezit in sene l’apontament che al met dongje la buine musiche cu la solidarietât in ocasion de Zornade mondiâl su la Sla. (A.I.) – 20.06.2024