Al è dut pront pe grande anteprime de trentesime cuarte edizion di “Udin&Jazz”, e al sarà un principi “fuart” pe rassegne, che ancje chest an e conferme nivei cualitatîfs cetant alts, compagns des manifestazions musicâls plui impuartantis talianis e europeanis. Lunis ai 24 tal Cjistiel di Udin al larà sù sul palc il tercet Dogstar, un progjet di rock grunge e alternatîf american, che al inschirie Bret Domrose ae ghitare e vôs, Robert Mailhouse ae batarie e l’atôr di innomine mondiâl Keanu Reeves al bas. I ultins biliets pal conciert a son in vendite sul circuit Ticketone e lu saran ancje tes bilietariis dal event, la sere stesse. Dopo la anteprime, il festival al jentrarà intal vîf intes zornadis dai 8 ai 14 di Lui, proponint concierts cun protagonistis lis miôr propuestis jazz talianis e internazionâls. (A.I.) – 22.06.2024
Foto di B. Bowen Smith
