72
La imprese Cimolai Spa e à finît a timps di record i lavôrs di costruzion dal New Drini Bridge, il puint plui grant fin cumò tirât su’ in Albanie, che al sarà screât intes setemanis che a vegnin dal Prin ministri Edi Rama.
La opare, lungje 271 metris, si cjate inte citât di Kukes, tal Nord Est dal Paîs, tra il flum Drin e il lât artificiâl di Fierza, indulà che e je in vore une impuartante centrâl idroeletriche, e al permetarà di colegâ il sud de Albanie cu la Europe dal Est. (a.d.g.) – 20.06.2024
