La societât Udinese Calcio e Bluenergy Group a àn tacât in maniere uficiâl i lavôrs pal gnûf parc solâr. Passe 2.400 panei fotovoltaics a vignaran instalâts su la cuviertidure dal Bluenergy Stadium e a proietaran ancjemò di plui intal avignî l’implant blanc e neri. Sostignibilitât, impegn e sensibilitât sociâl e ambientâl a continuin a contrassegnâ lis dôs grandis realtâts, che a puartin adalt il non dal teritori furlan in Italie e intal mont. “La instalazion dal parc solâr – al à declarât il diretôr gjenerâl dal Udin, Franco Collavino – e je un altri pas indenant e e fisse gnûfs standard di sostignibilitât”. (A.I.) – 25.06.2024
Un parc solâr sul stadi di Udin
48