Il cine al rive sot des stelis

Il passaç di testemoni tra lis salis e lis arenis estivis al è rivât e cumò, se al timp al ten, il public al pues gjoldisi i cines al viert. Di joibe ai 27, a Udin, il Zardin “Loris Fortuna” tal Zardin Grant al darà acet ae programazion metude adun ancjemò une volte dal CEC/Visionario cul Comun di Udin inte suaze di UdinEstate2024. Plui di doi mês di cine “sot des stelis” par cui che al reste in citât o par cui che al è a pene jentrât des feriis. Passe doi mês di cine, un titul in dì, par navigâ tra i sucès, lis anteprimis e une schirie di avigniments speciâi e primis visions. A screâ il Zardin, il grant sucès “Povere creature!” di Yorgos Lanthimos. (A.I.) – 26.06.2024