Robarie intune cjase a Reane dal Roiâl blocade de Polizie locâl

Une robarie dentri di une cjase a Reane dal Roiâl e je stade blocade vuê di buinore. Pôc dopo des sîs di buinore une patulie de Polizie locâl che e controlave il teritori pal abandon di scovacis, e à viodût moviments suspiets dongje di une cjase isolade in vie Borgo Agosto.

Cuant che i agjents a son rivâts dongje, a àn cjatât doi oms che a stavin cjariant un eletrodomestic gnûf dentri di un furgon blanc. L’intervent de patulie e à blocât la robarie, ma i delincuents a son rivâts a scjampâ fiscant il puarton de jentrade e un barcon de sale.

La polizie cumò e sta fasint lis investigazions par cjatâ i laris doprant lis regjistrazions des telecjamaris. (a.d.g.) – 26.06.2024