Un premi leterari pe fantasience

L’ent nazionâl di ricercje Area Science Park e La Cappella Underground di Triest, che e inmanee il “Trieste Science+ Finzion Festival”, a promovin la prime edizion dal premi leterari “Mondofuturo”, un ricognossiment pal miôr libri di fantasience origjinâl publicât in Italie intal 2023. La iniziative e je buride de colaborazion tra il mont de sience e de inovazion tecnologjiche e chel des produzions audiovisivis, cul obietîf di esplorâ gnûfs mûts par favorî la incressite culturâl e l’interès pe sience e pe leterature, doprant la fantasience tant che veicul par catalizâ la atenzion e l’interès. Al concors a puedin partecipâ dentri dai 30 di Jugn autôrs di oparis (romançs o contis) a teme fantasience. (A.I.) – 27.06.2024