55
Dopo il grant sucès pe prime tape dal gnûf “Montagna Teatro Festival”, promovût dal Teatri “Verdi” di Pordenon, in colaborazion cul CAI, Club Alpin Talian, a van indevant i apontaments de rassegne itinerante a cuote alte. Pal secont apontament si va in Val Colvare, intal borc di Pofavri, sabide ai 29 cul grant “Omaggio a Dario Fo” diret e interpretât dal atôr Christian Poggioni. Il stîl dal spetacul, iriverent e puartât al ecès, al riclame lis rapresentazions medievâls fatis su lis placis di saltarins e contestoriis. Al è stât propit in graciis di chescj tescj che intal 1997 Dario Fo al à vinçût il Premi Nobel pe leterature. (A.I.) – 28.06.2024
