40
Al rive sul plaçâl dal cjistiel di Udin il lunc tour dai Tre allegri ragazzi morti, che al à tacât vie pe Vierte par celebrâ i trente agns di ativitât e la publicazion dal gnûf album “Garage Pordenone”. Al è il decim lavôr di inedits dal grup inmascarât di Davide Toffolo: dodis gnovis cjançons che a celebrin la musiche e la storie di un grup che al à savût sintetizâ rock e fumet, deventant un pont di riferiment pe sene musicâl indipendente. Il non al riclame dal passât la citât di liende furlane dai agns ’80 di dulà che il grup al ven, celebrant la poetiche nassude intun dai centris plui prolifics e atîfs de provincie taliane dal pont di viste artistic. (A.I.) – 28.06.2024
Foto di A. Martin
