94
A pene che vuê di matine a àn cjatât une bombe a man, i operaris che a stan tirant su’ la gnove sede dal Mits Academy in vie Bassi a Udin (ex Dormisch) a àn fermât subite i lavôrs e dât l’alarme, fasint rivâ lis fuarcis dal ordin.
La bombe a man de Vuere Grande si cjatave dongje di une grue dal cantîr, tant che si veve pôre che e podès tonâ. I artificîrs dal esercit rivâts daurman a àn subite controlât la bombe verificant che no jere plui pericolose. La strade dongje dal cantîr e je restade dut câs sierade par une ore, tra lis 10 e lis 11 di matine. (a.d.g.) – 27.06.2024
