85
Proteste intal dopomisdì di sabide ai 29 di Jugn denant dal ospedâl Santa Maria della Misericordia di Udin. Plui o mancul in sessante si son presentâts ae manifestazion inmaneade de Associazione Diritti del malato di Udin par sostignî la sanitât publiche e i siei lavoradôrs.
La iniziative, a àn visât chei de associazion, e je stade fate par garantî lis curis dai malâts, scurtâ lis listis di spiete e par tutelâ il personâl sanitari che al à a ce fâ cun stress fuart e al è sorecjamât di lavôr.
Al jere presint ancje cualchi conseîr de maiorance dal Comun di Udin, i rapresentants dai sindicâts di categorie e dai Comitâts par difindi i ospedâi di Cividât, Glemone, Manià e Sacîl. (a.d.g.) – 01.07.2024
