61
Al è cambiât il diretôr gjenerâl de PrimaCassa-Credito Cooperativo Fvg: dai prin di Lui, a vuidâ la bancje al è Sergio Copetti, che al cjape il puest di Marco Pontello che le à direte dal prin di Zenâr dal 2018, cuant che trê Bcc si son metudis adun creant un istitût che vuê al servìs dute la provincie di Udin e no nome.
Il gnûf diretôr al à 50 agns, al è stât uficiâl de Vuardie di finance e al lavore dal 2020 in PrimaCassa come vice diretôr gjenerâl. Il so vice al sarà Alessandro Rosso, 49 agns, cuntune lungje esperience prime tal Credito Cooperativo e daspò in PrimaCassa, indulà che al lavore dal 2018. (a.d.g.) – 01.07.2024
