50
La programazion estive dal Teatri Gnûf “Giovanni da Udine” e va indevant cuntune novitât assolude: “Mystery Train”. “Un viaç intal imagjinari american”, une lezion di storie in musiche che e unìs ae conte di fats storics tante musiche sunade dal vîf. La lezion e sarà fate tal Teatri Gnûf miercus ai 3 aes 9 sot sere cuntune atore, Margherita Laterza, doi musiciscj, Gabriel Amalfitano e Matteo Portelli, e un americanist, Alessandro Portelli. La lôr lezion e ripasse il rapuart de Americhe cul tren, tra contis, poesiis e cjançons, di Hawthorne a Dickinson, Woody Guthrie e Bruce Springsteen, Elvis Presley e Johnny Cash. (A.I.) – 02.07.2024
