Luca Barbarossa in regjon, ma tant che scritôr

O sin usâts a viodilu tant che cjantant, cheste volte invezit – joibe ai 4 a S. Vît dal Tiliment, su lis scjalinadis dal cjistiel, inte suaze dal concors “Piccolo violino magico” – al sarà tant che scritôr. Luca Barbarossa al presentarà in dialic cun Valentina Gasparet il libri “Cento storie per cento canzoni” (Cent storiis par cent cjançons): une valîs musicâl “di puartâsi daûr se o vês di partî daurman”, al sclarìs un dai protagoniscj plui amâts de cjançon di autôr dal nestri timp, di agnorums preseât ancje tant che condutôr radiofonic. Il libri al è ancje un viaç ilustrât inte musiche, par scuvierzi lis storiis che a nassin daûr, ator e dentri lis cjançons che ducj o vin cjantât. (A.I.) – 02.07.2024

Foto di I. Magliocchetti