Storiis di balon de ex Jugoslavie e dai Balcans

Gnûf apontament par “Connessioni 2024”, la rassegne di dialics e incuintris che la associazion culturâl Bottega Errante e propon intal Istât udinês, popolant di storiis e di libris i cuartîrs de citât di Baldassarie ai Riçs, passant pal centri. Gianni Galleri, un scritôr apassionât di balon e dai Balcans, al è l’ospit dal incuintri di joibe ai 4 di Lui tal Parc Peter Pan par presentâ il libri “Balkan Football Club”, che al cjape dentri dîs agns di viaçs in Bulgarie, Romanie, Albanie e inte ex Jugoslavie su lis olmis di vicendis e oms pôc cognossûts che a àn fat la storie di chês tieris. (A.I.) – 03.07.2024