Cine sui langobarts, une altre finâl

Il cine documentari “La donna Longobarda” di Sandra Lopez Cabrera e Simon Vrech prodot di Invicti Lupi, che di agns al inmanee ancje la rassegne di Romans dal Lusinç dedicade propit ai langobarts, al concuiste une gnove selezion internazionâl, rivant ae finâl e ae proiezion publiche tal mês di Lui dal festival austriac “HISTORY – International Film Festival Austria”. Une gnove oportunitât par fâ cognossi a un public internazionâl la nestre storie e la nestre culture: il cuarantesim cuint ricognossiment internazionâl pai cines de associazion, dividûts in 20 prins premis e 25 selezions uficiâls. Un grant risultât par une piçule produzion partide par fâ cognossi il teritori di Romans. (A.I.) – 04.07.2024