La Banda Osiris e conte l’avignî pal Ert

Cun “Allegro bestiale”, in program sabide ai 6, si siere la rassegne teatrâl de Ciasa dai Fornés di For disore, promovude dal Comun e dal Circuit dal Ert. Sul palc a laran sù la Bande Osiris e il professôr Telmo Pievani, protagoniscj di un spetacul che al met dongje sience e musiche, lizerece e rigôr, riflession e poesie. La gnove produzion de Banda Osiris cul filosof evoluzionist Pievani e conte un viaç, virtuâl ma no masse, ae scuvierte de biodiversitât taliane, une risorse cetant preziose ma ancje menaçade. Il spetacul al interoghe il public sul tesaur inestimabil che o stin dilapidant a fuarce di consumâ il teren, di cimentificâ, di imbrenâ i flums, di incuinâ. (A.I.) – 05.07.2024