Udin&Jazz par Gaza tal parc Moretti

Il parc Moretti al devente un pont di riferiment dal Istât di Udin, un lûc dulà che ogni persone e pues cjatâ ocasions di cressite, di divertiment e di socializazion. La sielte de aministrazion comunâl e je stade chê di valorizâ un dai lûcs plui sugjestîfs, in plui che plen di storie, de nestre citât, preparant un program estîf detaiât, cu la presince di un palc inte aree verde. Il calendari, fat di une trentine di avigniments fint a Avost, al rive lunis ai 8 a un dai avigniments di ponte: “Udin&Jazz for Gaza”. Il festival, rivât ae trentesime cuarte edizion, al cjape posizion cuintri la vuere in Palestine cuntun dopomisdì di concierts intal parc. Si tache aes 6: prime il saxofonist Bruno Romani & la Banda delle Forze Disarmate, po dopo la cubie Flavio Zanuttini-Zlatko Kaucic e tal ultin il pianist Claudio Cojaniz cun Alessandro Turchet. (A.I.) – 06.07.2024