In cressite i lavoradôrs tal privât che a visitin il sportel antimobbing di Gurize

Il sportel di scolte Antimobbing di Gurize al è stât visitât di 62 di lôr tai prins sîs mês di chest an. Di chescj, 46 a son feminis e 16 i oms, cierts dal dut gnûfs. I lavoradôrs che a àn doprât il servizi a rivin dal implei public e dal setôr privât, che al à regjistrât une cressite a pet dal stes periodi dal 2023.

Il sportel che si cjate in vie Giuseppe Barzellini 5 al è viert il martars e il vinars des 10 di matine aes 5 dopomisdì e la joibe des 9 di matine aes 5 dopomisdì e al ufrìs un servizi di supuart legâl, di consulence di un miedi dal lavôr, di un psicolic e di altris esperts. (a.d.g.) – 04.07.2024