50
Une femine di 57 agns di Fontanefrede e je stade judade vuê di matine dopo che si jere fate mâl intant che e cjaminave tal bosc dongje dal torint Margò a For Davôtri.
L’incident al è sucedût tra lis 9.30 e lis 10.30 di matine, cuant che la femine e je sbrissade suntun tronc bagnât cjapant une brute stuarte al cuel dal pît. Il Socors alpin di For Davôtri al è rivât daurman adun cu la Vuardie di finance, il personâl dal 118 e l’elicosocors regjonâl.
Il personâl le à puartade cuntune barele par passe 100 metris intune zone indulà che al podeve cjapâ tiere l’elicotar che daspò le à puartade intal ospedâl di Tumieç. (a.d.g.) – 08.07.2024
