Il Votcent de art tes incisions furlanis

Si scree miercus ai 10 di Lui tai museus dal Cjistiel di Udin la mostre “Quando l’Arte lascia il segno” par cure di Giuseppe Bergamini e Isabella Reale. Inmaneade de trienâl europeane de incision, ae sô cuarantesime tierce edizion, la esposizion e je dedicade al Votcent romantic furlan e e je il secont cjapitul di un progjet tacât tal 2023 par valorizâ lis colezions publichis di grafiche dai museus de regjon: un grant patrimoni che al è cognossût pôc e che al ven fat viodi dome in part, fat soredut di artiscj nassûts inte nestre regjon o atîfs achì. (A.I.) – 09.07.2024