46
Un program che, daûr de tradizion, al è dreçât a valorizâ zovins artiscj regjonâi e internazionâi. Un calendari penç di concierts che, dai 17 di Lui ai 24 di Avost, al cjaparà dentri cetantis artistis feminis intal rûl di protagonistis. No par câs, di fat, la edizion di “More Than Jazz” 2024 si intitule “WEmen”, un zûc di peraulis tra la pronunzie de peraule inglese che e vûl dî “feminis” e “noaltris”, propit a segnâ la dimension coletive. Il program de seste edizion de rassegne inmaneade di SimulArte al tache joibe ai 18 tal Zardin del Torso cu la vôs soul di Chiara Luppi, che si esibirà cul Eu New Generation 5et, un grup di cinc students selezionâts des universitâts di musiche plui prestigjosis de Europe. (A.I.) – 15.07.2024
