Italia Softball e bat la Cine in spiete de Americhe

E veve di jessi une fieste e cussì e je stade. Inte zornade di scree de decime setime Cope dal Mont di Softball feminin a Cjasteons di Strade, la prime edizion che si contint in Italie, lis zuiadoris de nazionâl di Italia Softball a àn vinçût e convinçût cuintri la Cine. L’esordi al è finît 6-0 pes talianis, cu lis cinesis in podê dai lançs di Alice Nicolini fint des primis ripresis. Un risultât che al console lis atletis dal tecnic Pizzolini, che cumò a spietin la dificile partide cuintri i Stâts Unîts. Prime de partide, inte suaze de colaborazion tra Edison e FIBS, e je stade ospitade la Onlus AISLA, che si interesse di malâts di sclerosi laterâl amiotrofiche e il prin tîr al è stât fat dal vicepresident Paolo Zanini, acompagnât di Catia Speranza, Andrea Macorig e Alessandro Fabbri. A lôr si è zontade Mara Navarria, schermidore furlane che e à vinçût l’aur intal 2018. (A.I.) – 16.07.2024