87
Un om di 60 agns di Udin al è muart vuê di matine dopo jessi stât tirât sot di une auto intant che al lave cu la sô biciclete. Par causis sot investigazion dai carabinîrs di S. Denêl e Feagne rivâts sul puest, a Baracêt di Merêt di Tombe tra lis viis Maggiore e dei Fiori al è stât pocât di une Fiat Panda vuidade di une femine di 61 agns di Turin.
L’om al è stât judât dal personâl dal 118 rivât ancje cul elicotar, ma magari cussì no al è muart pes feridis masse griviis. La femine strassunide pal colp e je stade puartade tal ospedâl di S. Denêl par aciertaments. Sot secuestri ducj i doi i mieçs. (a.d.g.) – 17.07.2024
