99
Al torne a Osôf cu la vincjesime cuarte edizion, il ”Concerto per un Fiore”, l’apontament aromai tradizionâl li dal Parc de Colonie. Dôs seradis sot dal segn de musiche, dal bon mangjâ e de solidarietât, organizadis de associazion Friûl Adventures in memorie dal amì Fiorenzo “Fiore”, muart intal ’98 par colpe di un incident sul lavôr. Si tache vinars ai 19 cu la Louis Armato Band e i Flashback, sabide ai 20 sul palc Forever Mats, Blues Metropolitan e Blues Factory, cu la partecipazion di diviersis associazions di volontariât sociâl dal teritori. Il rigjâf des dôs seradis al larà dut in beneficence par doi progjets: un al è destinât al ospedâl di Sedwa in Nepal, un pe scuele Goundì in Burkina Faso. (A.I.) – 18.07.2024
