Il Mittelfest al tache cuntun “disordin” orchestrâl

Si tire sù il sipari sui “Disordins”, il teme sielt dal diretôr artistic Giacomo Pedini pe trentesime tierce edizion dal “Mittelfest”, che al puarte in sene 29 progjets artistics di 17 Paîs tra teatri, musiche, danze e circ. Si tache vinars ai 19 aes 9.30 sore sere in Place Domo, se nol plûf, cul conciert tradizionâl di scree: un “Happy concert” che al viodarà sul palc la FVG Orchestra cun Lucy Landymor aes percussions e il duet Igudesman & Joo, che a sunaran Mozart, Strauss, i Beatles, Beethoven e ancje Pharrell Williams, par scomençâ il festival cun pardabon un disordin musicâl apassionant. (A.I.) – 18.07.2024

Foto di J. Wesely